Денес во Нион, Швајцарија, се одржа ждрепката за плејофот за Лигата на шампионите, фаза од натпреварувањето во која тимовите ќе се борат за место во осминафиналето.
Се работи за клубовите кои ја завршија фазата од Лигата на шампионите на позиции од 9-то до 24-то место, и тие ќе се борат меѓусебно за место меѓу 16-те најдобри тимови на Стариот континент.
Европската фудбалска федерација ги постави носителите на ждрепката како Реал Мадрид, Интер, Пари Сен Жермен, Њукасл, Јувентус, Атлетико Мадрид, Аталанта и Леверкузен, додека во вториот шешир ќе бидат: Дортмунд, Олимпијакос, Клуб Бриж, Галатасарај, Монако, Карабах, Боде/Глимт и Бенфика.
Двојките од плејофот изгледаат вака:
Бенфика – Реал Мадрид
Боде/Глимт – Интер
Монако – ПСЖ
Карабаг – Њукасл
Галатасарај – Јувентус
Клуб Бриж – Атлетико Мадрид
Борусија Дортмунд – Аталанта
Олимпијакос – Леверкузен
Па така Бенфика повторно ќе се соочи со славниот Реал Мадрид, кого го победија со 4:2 оваа недела и го оставија без директно место во осминафиналето.
Плејоф натпреварите се закажани за 19 и 26 февруари.
За потсетување, Арсенал, Баерн, Ливерпул, Тотенхем, Барселона, Челси, Спортинг и Манчестер Сити обезбедија директно место во осминафиналето.
Ждрепката за осминафиналето ќе се одржи на 27 февруари во Нион.
Фото: Јутјуб/Принтскрин/BL Football Talks
