Седумкратниот светски шампион во Формула 1, Луис Хамилтон го изрази своето задоволство од почетокот на предсезоната на Ферари за 2026 година, велејќи дека е подобра отколку што беше пред 12 месеци.
Британецот влегува во својата втора сезона со „Црните коњи“ и тој и неговиот тимски колега Шарл Леклер ги започнаа своите подготовки за 2026 година на „шејкдаун“ во Барселона.
Двајцата завршија солиден број кругови во вторникот и четвртокот, покажувајќи дека сигурноста на новиот погонски склоп на Ферари е добра во оваа фаза, за што Хамилтон е задоволен.
„Кога почнуваме со тестови, нашата главна цел е секогаш да направиме што е можно повеќе километри. И утрово направив 85 круга, што е одлично. Сето тоа се должи на луѓето во фабриката кои завршија толку добра работа давајќи ни автомобил кој е сигурен. Минатата година имавме полош почеток на тестирањето. Значи, со оглед на тоа што правилата сега се сосема нови, работите се подобри од порано. Се надевам дека тоа ќе продолжи“, рече Хамилтон на крајот од претпоследниот ден од тестирањето во Каталуња.
Фото: X/Принтскрин/Scuderia Ferrari HP
