Доналд Трамп е повторно во центарот на вниманието откако објави видео на социјалната мрежа TikTok со директна порака до Кристијано Роналдо.
Американскиот претседател му кажува на капитенот на португалската репрезентација дека го сака во САД што е можно поскоро. Веројатно го поттикнува Кристијано да направи трансфер во МЛС лигата.
„Роналдо, ти си најдобар на сите времиња. Ни требаш во Америка. Пресели се сега. Ни требаш брзо“, може да се слушне како вели Доналд Трамп.
La cuenta OFICIAL de Donald Trump en tiktok HOY:
“Cristiano Ronaldo, eres el mejor de todos los tiempos. Te necesitamos en Estados Unidos, ahora mismo.” 🤔🐐 pic.twitter.com/ryZcYs2BwY
— MT2 (@madrid_total2) February 21, 2026
Во видеото создадено со вештачка интелигенција, двајцата дури и играат со топка на средина од Овалната соба.
Кристијано Роналдо веќе еднаш го посети американскиот претседател – минатиот ноември. Ова беше искористено и како реклама за претстојното Светско првенство ова лето, на кое Американците се ко-домаќини.
Инаку, Португалецот е играч на Ал-Наср и има договор до летото 2027 година.
