Селекторот на женската кошаркарска репрезентација на Македонија, Александар Ашаданов по синоќешниот пораз на средбата со Хрватска изјави дека во тек е значително подмладување на репрезентацијата, со цел да се изгради тим кој ќе носи резултати во иднина.
„Свесни бевме дека како млада екипа нè очекува тежок натпревар. Имавме добри моменти, а младите играчи покажаа карактер и борбеност, Сепак, во клучните ситуации недостасуваше искуство и концентрација“ – вели Ашаданов.
Додава дека ова а само некој прв чекор од процесот на градење на тимот.
„Од натпревар во натпревар девојките покажуваат сè подобра игра и докажаа дека заслужуваат шанса и доверба. Ова е дел од процесот на градење на тимот и верувам дека од ваквите натпревари ќе излеземе посилни. Продолжуваме да работиме и да се подобруваме“- најави селекторот на сениорскиот национален тим.
