Барселона пронајде нов тренер по заминувањето на Чави Пасквал, а според европските медиуми, изборот паднал на Александар Секулиќ. Словенецот е еден од главните кандидати за клупата на каталонскиот гигант во последните недели, заедно со Паоло Галбијати и Јанис Сферопулос.
Секулиќ наводно постигнал договор со Барселона и се очекува наскоро да биде официјално претставен, а во Каталонија пристигнува по успешната епизода во Дубаи, каде што ја освои АБА лигата оваа година, што дополнително го препорача на раководството на шпанскиот клуб.
Барселона беше принудена да бара ново решение по заминувањето на Пасквал, кој по една сезона одлучи да го напушти клубот и да се пресели во Дубаи. Покрај Барселона, Секулиќ беше поврзуван и со Виртус Болоња.
Александар Секулиќ има голема работа пред себе, бидејќи Барселона е во процес на сериозна реконструкција. Вил Клајбурн, Николас Лапровитола, Томас Саторански, Вили Ернангомез и Јан Весели го напуштија клубот ова лето, додека се очекуваат дополнителни засилувања за да се формира нов тим за сезоната 2026/27.
Словенецот, 48, има искуство во Крка, Приморска, Нимбурк, Локомотив Кубањ, Зенит и Дубаи, додека од 2020 година ја предводи словенечката репрезентација како селектор.
