Во големото финале на 34.издание на завршниот турнир од Купот „Благоја Георгиевски-Буштур“, кошаркарките на Баскет КАМ беа подобри од Крива Паланка со 68:74.
Кошаркарките на КАМ помотивирано влегоа во натпреварот, доминираа во дуелот и на крајот заслужено го освоија трофејот.
Кметовска реализираше 24.поени, имаше и девет скока. Димова и Поп-Димитровска додадоа по 16, а Адамовска уште 12.
Во екипата на Крива Паланка, Робинсон постигна 30.поени, Ниехуес имаше 15, а Грин уште 11.
Иако предвреме го напушти финалето, поради пет лични грешки, Кметовска беше прогласена за најкорисната кошаркарка на финалниот турнир. Актуелната македонска репрезентативка одигра два одлични натпревари, и апсолутно заслужено ја доби главната индивидуална награда на турнирот.
