Кошаркарите на Работнички се враќаат со празни раце од Чаир.
Иако имаа добра игра и солидно водство на некои пет минути до крајот на гостувањето во салата „Шабан Трстена“, на крајот тимот од Градски парк доживеа нов пораз во кошаркарската лига од 75:73.
Кришнан реализираше 17.поени за Чаир 2030. Тачи даде 16, но најголем дел од нив во моментите на одлука, а придодаде и девет асистеенции и пет скока. Реџа ги следеше со 14.реализации (имаше и девет скока), додека Билингсли заврши со дабл-дабл од 10.поени и 12.скока.
Кај Работнички, Ефремовски застана на бројката од 22.поени (девет скока и три асистенции), Рикиќ имаше „дабл-дабл“ учинок но и тоа не беше доволно за победа.
Друга скопска екипа која настапи синоќа, МЗТ Скопје, имаше одлична последна четвртина во која го решија прашањето околу победникот во дербито со Пелистер – конечни (87:73).
Двете екипи кои конкурираат за највисок пласман и оваа сезона, покажаа дека со право го носат епитетот на квалитетни. Пресудна беше последната четвртина во која шампионот покажа дека и оваа година е подготвен да оди до самиот крај, односно да ја одбрани шампионската титула.
МекКејден реализираше 23.поени, имаше и девет скока и шест асистенции. Смит Мексвејн го следеше со 16.реализации, Гил даде 15 (плус пет скока и две додавања), а Петков имаше 13.
„МТЕЛ“ СУПЕР ЛИГА-МАЖИ
РЕЗУЛТАТИ И ДВОЈКИ 17. КОЛО
Ангели – ТФТ 66:95
Феникс 2010 – Тиквеш Голден Игл 76:87
МЗТ Скопје Аеродром – Пелистер 87:73
Чаир 2030 – Работнички 75:73
8.МАРТ (НЕДЕЛА)
18.00: Маџари – Кожув
18.00: МКК Куманово – Гостивар
ТАБЕЛА
1. ТФТ 17 16 1 1479:1259 33
2. МЗТ Скопје А. 17 16 1 1332:178 32
3. Пелистер 17 12 5 1569:1381 29
4. Чаир 2030 17 8 9 1387:1450 25
5. МКК Куманово (-1) 16 8 8 1313:1255 24
6. Маџари (-1) 16 8 8 1336:1332 24
7. Кожув (-1) 16 8 8 1302:1310 24
8. Тиквеш ГИ 17 7 10 1356:1382 24
9. Работнички 17 6 11 1379:1399 23
10. Феникс 2010 17 6 11 1314:1363 23
11. Гостивар (-1) 16 4 12 1151:1270 20
12. Ангели 17 1 16 1132:1526 18
