Даг Кристи (54) ќе се врати за втора целосна сезона како тренер на Сакраменто Кингс, и покрај тоа што тимот има една од најлошите сезони во историјата на франшизата, според светските новински агенции.
Лице запознаено со одлуката изјави во неделата дека Кристи ќе остане на чело следната сезона во втората година од неговиот договор, што вклучува опција за 2027-28. Изворот на АП зборуваше под услов на анонимност бидејќи тимот не ја објави одлуката, која првпат ја објави „Атлетик“.
Поранешниот играч на Кингс ја презеде функцијата привремен тренер во декември откако Мајк Браун беше отпуштен. Под негово водство, Сакраменто имаше резултат од 27-24 и се пласираше во плеј-ин турнирот, но не успеа да се пласира во плејофот.
Даг Кристи играше за Сакраменто од 2000 до 2005 година, а беше именуван во дефанзивниот тим на НБА во сезоната 2002-03. Тој беше дел и од тимот кој последен пат стигна до финалето на Западната конференција во 2002 година.
„Кингс“ имаа играчи како Владе Дивац, Пеџа Стојаковиќ, Хедо Туркоглу, Мајк Биби, Крис Вебер, Скот Полард, Џералд Волас и Боби Џексон.
