Поранешниот капитен на Челси, Џон Тери, предводи конзорциум за купување на третолигашкиот Колчестер, тврди „Сан“. Се очекува договорот да биде вреден 14 милиони фунти.
Поранешниот дефанзивец моментално работи во академијата на „сините“ на Стемфорд Бриџ, но доколку договорот биде потврден, тој наскоро би можел целосно да се вклучи во управување со фудбалски клуб.
Back-to-back wins 🫡#ColU | #WeAreUnited pic.twitter.com/rzlrT9Is0c
— Colchester United FC (@ColU_Official) April 10, 2026
Според изданието, Тери е подготвен да објави договор вреден 14 милиони фунти за стекнување на тимот од Лига Два.
„Џеј Ти е навистина возбуден што ќе го официјализира“, изјавил извор одвнатре за изданието.
Се очекува фудбалската легенда да има „значајно влијание“ врз спортската и техничката страна на клубот од Есекс. Една можна причина за интересот на Тери за овој клуб би можел да биде фактот дека неговиот 22-годишен внук Френки Тери е дел од тимот на Колчестер.
