Новиот италијански кошаркарски клуб Рома СПКР, предводен од Лука Дончиќ и поранешниот генерален менаџер на Далас, Дони Нелсон, кој ќе се натпреварува во Еврокупот следната сезона, активно бара тренер, а познатиот НБА инсајдер Марк Штајн наведува дека главен кандидат е Двејн Кејси, поранешен тренер на Торонто, Детроит и Минесота!
Кејси сега е првиот избор на амбициозниот проект, но раководството на клубот разговара и со неколку европски експерти, а се споменуваат Серхио Скариоло, Еторе Месина, Игор Миличиќ…
Двејн Кејси работи како советник за кошаркарски операции за Детроит Пистонс од 2023 година, откако се пензионираше од функцијата главен тренер. Најголемиот успех го постигна со Торонто Репторс, кој го доведе до рекордни 59 победи во сезоната 2017/18, за што беше прогласен за најдобар тренер во НБА. Денес, тој е тренерот со најмногу победи во историјата на канадската франшиза.
Pistons adviser Dwane Casey has emerged as a head coaching candidate for BC Roma SPQR, which was recently co-founded by former Mavericks GM Donnie Nelson alongside Luka Dončić, @TheSteinLine has learned.
The club is also weighing European candidates for its debut Serie A season. pic.twitter.com/swfO21S2B7
— Marc Stein (@TheSteinLine) July 21, 2026
Кејси и Дони Нелсон претходно работеа заедно со Далас Маверикс. Искусниот експерт беше помошник тренер три сезони и беше дел од тренерскиот штаб што ја освои титулата во НБА во 2011 година.
Рома СПКР е создадена со аквизицијата на Ваноли Кремона и ќе игра во италијанската Серија А и Еврокупот почнувајќи од следната сезона. Проектот го водат Лука Дончиќ, Нелсон, поранешниот литвански репрезентативец Римантас Каукенас и легендарниот италијански тренер Валерио Бјанкини.
Новоформираниот клуб во италијанската престолнина има јасен план за иднината, а тоа е НБА Европа, натпреварување кое се очекува да започне во октомври 2027 година.
Рома СПКР ќе игра во групата Д од Еврокупот против Улм, Манреза, ПАОК, Балкан, Лиеткабелис, Бахчешехир и Монако.
Рома почна да составува тим за големи работи, а првата бомба на преодниот рок е италијанскиот играч Нико Менион. Се предвидува дека Италијанецот ќе биде лидер и прва ѕвезда на тимот.
