Купер Флег продолжува да ги поместува границите – младиот ас на Далас стана најмладиот играч во историјата на НБА што постигнал 50+ поени во еден натпревар, откако стигна до 51 поен во поразот од Орландо (138:127).
„Мислам дека е „кул“. Зборува за тоа кој сум и колку верувам во себе. Луѓето околу мене имаат многу доверба во мене, ме ставаат во вистинските ситуации. Најважно е да се подобрувам – да работам цела година и да се фокусирам на себе и на тимот“, рече Флег.
Тој експлодираше во завршницата – постигна 24 поени во последната четвртина, откако тренерот Џејсон Кид и соиграчот Наџи Маршал беа исклучени поради протест кон судиите кои не досудија фаул врз него. Младиот кошаркар шутираше 19/30 од поле, ги погоди сите седум слободни фрлања и го надмина својот претходен личен рекорд од 49 поени.
Неговата игра беше дополнително поттикната од ситуацијата на теренот, кога неговиот тренер и соиграч застанаа во негова одбрана:
„Знам дека мојот тренер ме поддржува, како и Надја. Гледањето на нивните емоции и борбата за мене ме мотивираше уште повеќе.“
Тренерот на Далас, Џејсон Кид, не можеше да ја скрие возбудата.
„Тој треба да биде Дебитант на годината. Неверојатно е што прави. Луѓето не го гледаат истото што ние го гледаме секој ден. Тој е во ретко друштво – со најголемите, како Мајкл Џордан и она што го направи во својата дебитантска сезона како тинејџер.“
.){kind=link}