Кошаркарот на Мемфис, Брендон Кларк, беше уапсен во американската држава Арканзас за повеќе прекршоци, вклучувајќи пребрзо возење и поседување забранета супстанција. Како што беше објавено, Кларк бил приведен во средата попладне, а полицијата наведе и дополнителни обвиненија како што се неправилно претекнување и обид за бегство, додека во извештајот се споменува и сомневање за трговија со забранети супстанции.
Тренерот на Мемфис, Туомас Исало, накратко ја коментираше ситуацијата пред натпреварот против Њујорк, нагласувајќи дека е запознаен со случајот, но не даде свој увид во ситуацијата.
The charges against Brandon Clarke include possession & trafficking of a controlled substance & fleeing
The Grizzlies forward was arrested today about an hour west of Memphis in Arkansas
Clarke already ruled out of tonight's game vs Knicks & rest of season due to a calf injury pic.twitter.com/1LVnLSvhDK
— New York Basketball (@NBA_NewYork) April 1, 2026
Клубот сè уште не го коментираше детално инцидентот, што дополнително ја комплицира веќе тешката сезона за Кларк.
Крилото високо 201 сантиметар ја игра својата седма НБА сезона, но оваа година практично не играше. Поради повреди, тој се појави само на два натпревари, а претходно беше официјално потврдено дека нема да игра до крајот на сезоната.
Кларк пропушти вкупно 73 натпревари, прво поради закрепнување од операција на коленото, а потоа и поради проблем со листот. Според последните информации од клубот, се очекува тој да биде целосно подготвен за следната сезона, но по овие испади, се поставува прашањето дали ќе биде во составот на Мемфис.
Резултатите од синоќа:
Вашингтон – Филаделфија 131:153
Орландо – Атланта 101:130
Мајами – Бостон 129:147
Мемфис – Њујорк 119:130
Торонто – Сакраменто 115:123
Чикаго – Индијана 126:145
Хјустон – Милвоки 119:113
Јута – Денвер 117:130
Голден Стејт – Сан Антонио 113:127.
