Макаби Тел Авив ќе биде без Џими Кларк за последниот тренинг камп пред сезоната. Американскиот кошаркар се повреди на тренинг и ќе отсуствува три недели.
Кларк се лизна за време на тренингот и се пожали на болки во препоните, а деталните лекарски прегледи покажаа дека играчот претрпел делумна руптура на бутниот мускул.
Макаби ќе ја отвори новата сезона во Евролигата на 24 септември со натпревар против Асвел во Франција, а израелскиот тим се надева дека Кларк ќе биде подготвен за тој натпревар.
Кларк минатата сезона во Евролигата имаше просек од 9,5 поени, 4,3 асистенции, 1,8 скока и 1,3 украдени топки по натпревар за Макаби.
