Женската сениорска репрезентација на Македонија со пораз го затвори првиот квалификациски круг од натпреварите за пласман на Евробаскетот во 2027 година.
Вечерва, во салата „Градски парк“, репрезентацијата на Хрватска победи со убедливи 53:91 (25:45).
По последното коло од првата фаза, Македонија завршува со ефект од една победа и пет порази, и како четврттопласирана во групата, го завршува натпреварувањето.
Во отсуство на Мерит Хемпе, Николиќ сосема добро ги искористи своите минути на теренот. Реализираше 16поени со три скока и пет асистенции. Селцова дојде до ефект од 13.поени. три скока и три асистенции, Стојановска финишираше со осум поени.
Со вечерашната победа во Скопје, Хрватска заврши како прва (ефект 4-2), Грција која денеска беше подобра од Данска, е втора (идентични 4-2), а понатаму, во втората натпреварувачка фаза во квалификациите за ЕП 2027, продолжуваат и кошаркарките на Данска (3-3).
