Кошаркарската репрезентација на Македонија ја започна втората рунда од претквалификациите за пласман на Евробаскетот 2029 година со триумф над Австрија со убедливи 90:59 (49:30).
Избраниците на селекторот Хозе Марија Берокал одиграа одличен натпревар во Виена и во ниту еден момент не ја доведоа во прашање победата откако постојано имаа водство и само го надоградуваа во текот на мечот.
Ненад Димитријевиќ беше една од централните фигури во играта на македонската репрезентација. Новиот кошаркар на солунски Арис натпреварот го заврши со 15 поени, 14 скока и 10 асистенции, во уште едно комплетно издание во дресот на националниот тим.
Ефремовски реализираше 17 поени, додека Мозес Рајт натпреварот го заврши со 12 поени и 9 скока, на чекор до дабл-дабл учинок.
Следниот натпревар во претквалификациската група „Ф“ македонската репрезентација ќе го одигра на 26 ноември, кога на домашен терен ќе ја пречека селекцијата на Кипар.
){kind=link}