Кошаркарите на МЗТ Скопје беа подобри од екипата на Маџари со 74:80 (34:35) во третиот натпревар од големото финале на плеј-офот во „МТЕЛ“ Супер лигата и го затворија дуелот со максимални 3:0 во серијата.
За тимот од Аеродром ова е 13 шампионски трофеј во историјата.
Домашната екипа се држеше само во првото полувреме, кое го загубија минимално, но во вториот дел МЗТ ги презеде работите во свои раце и не го испушти натпреварот до крајот, иако домаќините успеаја во еден момент да го изедначат резултатот на 64:64.
На сцена стапи капитенот Дамјан Стојановски кој погоди тројка, доволно за да го врати водството на 72:68. А по поените на Танасковиќ, гостите беа уште поблиску до новиот трофеј (74:68), кога останаа нешто повеќе од 3 минути до крајот.
Во нив „сино-белите“ не дозволија „враќање“ за Маџари. По поените на Маслинко и Мексвејн, ја зголемијаа позитивата на 80:72.
Војдан Стојановски го предводеше МЗТ Скопје Аеродром со 17 поени, Танасковиќ дојде до 16, Смит Мексвејн даде 13, а Петков дополни со 11 поени.
Во екипата на Маџари, Хот го заврши овој натпревар со „дабл-дабл“ ефект од 20 поени и 18 скока, Армстронг имаше 19 поени, а Луис додаде 13 поени.
 во третиот натпревар од големото финале на плеј-офот во „МТЕЛ“ Супер лигата и го затворија дуелот со максимални 3:0 во серијата){kind=link}