Најуспешниот европски тренер Жељко Обадовиќ зборуваше за горливиот проблем во европската кошарка, а тоа е заминувањето на голем број млади таленти на американски колеџи.
Белград ќе биде домаќин на симпозиум кој ќе се занимава со огромното заминување на млади играчи од Европа во САД, каде што тие стануваат членови на американската НЦАА лига за сериозни пари.
„Симпозиумот е одлична идеја бидејќи ќе вклучи многу луѓе во процесот на наоѓање најдобро можно решение за да се спречи заминувањето на играчите во колеџ кошарката. Нека биде тоа првиот чекор кон конечно решение, а треба да се земат предвид и решенијата усвоени во светот на фудбалот. Треба да разговараме со овие луѓе и да видиме како го решиле овој проблем“, рече Жељко Обрадовиќ.
Српскиот тренер смета дека секој треба да направи сè што е во негова моќ за да го подобри имиџот, што би им помогнало на повеќе млади луѓе да останат во европската кошарка.
„Сите мора да направиме апсолутно сè што е во наша моќ за да ја заштитиме европската кошарка. Особено инсистирам на инвестирање во млади тренери и стимулации за луѓето кои работат со млади играчи. Второ – да се работи на правилник што би ги заштитил клубовите и асоцијациите во ситуации кога млад играч ќе добие фантастична понуда. Практично е невозможно да се спротистави на клубови со такви понуди.“, порача Обрадовиќ, цитиран од Б92.
