Ова лето ќе биде полно со предизвици за Лос Анџелес Лејкерси. Прво, да се види што ќе се случи со Леброн Џејмс, кој станува слободен агент, додека втората голема дилема е Остин Ривс.
По најдобрата сезона во неговата кариера, во која се профилираше како легитимен член на големата тројка со Леброн Џејмс и Лука Дончиќ, а воедно и втората година по ред во која постигнуваше просек од најмалку 20 поени, Ривс е подготвен да ги искористи своите квалитети. Поради оваа причина, најавите од тимот од Калифорнија дека американскиот репрезентативец побарал максимален договор од 241 милион долари од „езерџиите“ не се изненадувачки!
Тоа е ризичен потег за сите, но тој може да ги заработи според правилата. Ривс има опција за играч во неговиот тековен договор што му овозможува да се извлече од неговата плата од 14.898.000 долари за следната сезона, и речиси сигурно ќе ја искористи. Проблемот е што тоа би создало сериозен проблем за Лејкерси во однос на ограничувањето на платите, бидејќи Дончиќ треба да заработи над 55.000.000 долари следната година, а останува да се види што ќе се случи со Кралот. Исто така, и покрај некои исклучителни игри, Ривс сè уште не го убедил менаџментот на Лејкерс дека може да биде квалитетен за шампионски достигнувања.
Во случај „езерџиите“ да не му понудат максимален договор, Ривс веќе има понуди на маса од два заинтересирани клуба, но за 178.000.000 долари. Тоа се Чикаго Булс и Бруклин Нетс. Сепак, како што известува новинарот Бродерик Тарнер, Ривс сака само максимален договор.
Доколку го раскине договорот, Ривс би станал еден од најинтересните играчи на пазарот. Пред да има проблеми со повреда, тој одигра Ол-стар сезона и имаше просек од 23,3 поени по натпревар со 5,5 асистенции и 4,7 скока во 51 настап.
