Тренерот на Реал Мадрид, Серхио Скариоло, беше видливо лут на судиите по натпреварот со Жалгирис во 32-то коло од Евролигата, но свесен за последиците, не сакаше премногу да коментира за контроверзната ситуација на самиот крај од натпреварот во Каунас во кој мадридскиот тим беше поразен со 87:85, благодарение на слободните фрлања на Силван Франциско во последната секунда.
„Прво, му честитам на Жалгирис. Беше израмнет натпревар, водевме со четири разлика на неколку минути пред крајот, промашивме три отворени шутеви и еден леј-ап. Не бевме прецизни во одлучувачките напади“, рече Скариола.
Потоа се осврна на одлуката на судијата да досуди прекршок врз Франциско.
„Апсолутно без зборови. Подобро е да молчиме. Тимот се бореше, повредени сме бидејќи вложивме ист напор и игравме со иста ефикасност како противникот, но тие беа малку подобри во последните неколку напади. Затоа, честитки до нив и се свртуваме кон следниот натпревар“, рече Скариоло.
