Грчката полиција ги зголеми безбедносните мерки во Атина за време на Фајналфорот на Евролигата. Сите јавни собири на отворено, како и организираните навивачки поворки со автомобили и мотоцикли во центарот на градот, се официјално забранети.
Денес, во 06:00 часот, овие мерки стапија на сила и ќе траат до понеделник, 25 мај, во исто време.
Се проценува дека поради големиот број навивачи во грчката престолнина, секое големо собирање или ненадејно движење на групи може да предизвика улични судири и колапс на сообраќајот. Поради овие причини, беа неопходни ригорозни мерки.
Фајналфорот започнува во петок и ќе трае до недела, кога ќе се игра финалето. Полуфиналето ќе се игра во петок, во кое ќе се сретнат Реал Мадрид – Валенсија и Олимпијакос – Фенербахче. Натпреварите ќе се играат на ОАКА Арената.
