Кошаркарите на Монако имаа многу турбулентна сезона. Финансиските проблеми на сопственикот Федоришченко предизвикаа заминување на тренерот Василис Спанулис, имаше нејасна ситуација и бројни повреди на Никола Миротиќ, како и веќе најавените заминувања на Мајк Џејмс, Алфа Дијало и Џером Блосомгејм.
Како што објави „BeBasket“, центарот на Монако, Даниел Тајс, е цел на Реал Мадрид, а шпанскиот клуб сериозно се насочил кон потписот на германскиот центар.
Сепак, нивните информации велат дека Реал не подготвил многу привлечна понуда за Тајс и дека тој не бил задоволен од понудената плата, па ја одбил првата понуда од Мадрид.
Постоела опција тој да потпише за Реал и да го игра последното коло од плејофот на АЦБ во дресот на Кралскиот клуб, но се чини дека договор нема да се постигне наскоро.
Сепак, „БеБаскет“ наведува дека Реал ќе биде првиот фаворит за потпишување на Даниел Тајс кога ќе дојде летниот преоден рок.
