Тренерот на Маџари, Миодраг Тодоровиќ по синоќешниот втор пораз во натпреварот против МЗТ Скопје Аеродром во финалето на „МТЕЛ“ Супер лигата, изјави дека и покрај препреките кои што ги поставуваат на неговиот тим, тие ќе се борат до крајот.
„Пруживме борба во текот на целиот натпревар. Во првото полувреме не бевме на висината на задачата, но во второто полувреме бевме вистинските ние! Им честитам на моите играчи што и покрај сите препреки кои ни ги поставуваат, ние ќе се бориме до самиот крај и нема да се откажеме. Сега серијата се сели во Маџари, во нашата сала, пред нашата публика! Се гледаме во недела, борбата продолжува!“ , изави тој.
