Поранешниот младински репрезентативец Никола Василевски е нов кошаркар на МЗТ Скопје, екипа за која веќе настапуваше во минатото.
Дваерсет и три годишниот бек, висок 190 сантиметри, зад себе веќе има и настапи за сениорската репрезентација на Македонија. Минатата сезона ги бранеше боите на Кожув, а претходно настапуваше за ТФТ и за босанскиот Промо.
Пред пет години беше дел од вториот тим на „металците“ – МЗТ Скопје Уни Банка.
„Со враќањето на Никола продолжуваме да го градиме тимот со квалитетни македонски кошаркари, кои добро го познаваат клупскиот систем и знаат што значи да се носи сино-белиот дрес“, стои во соопштението на МЗТ Скопје.
