Женската репрезентација на САД во хокеј на мраз го освои златниот медал во женски хокеј на мраз на Зимските олимписки игри, по драматичната победа од 2-1 над Канада во продолжение.
Во големото финале одиграно во Милано, Американките го освоија тронот со голот на Меган Келер во продолжението, со што ги соборија актуелните олимписки шампионки и уште еднаш ја потврдија својата доминација во најголемото соперништво во женскиот хокеј.
Канада прва поведе, кога Кристин О’Нил постигна гол за 1-0. Сепак, репрезентацијата на САД не се предаде. Капитенката Хилари Најт го израмни резултатот на 1-1 кон крајот на третиот период и го одведе натпреварот во продолжение.
Одлуката дојде по брилијантна соло акција на Келер, која ја заобиколи противничката играчка Клер Томпсон и ја совлада канадската голманка со прецизен удар, по што следеше огромна прослава за Американките. Тоа беше нивната трета олимписка титула и седми последователен пораз на Канада од САД, вклучувајќи ја и групната фаза, во која Американките победија убедливо со 5-0.
Финалето во „Сантаџулија Арена“ повторно сврти нова, возбудлива страница во најголемото соперништво во женскиот хокеј, а стравувањата дека играта може да биде еднострана брзо паднаа, откако бевме сведоци на тесна и неизвесна борба до самиот крај.
