Швајцарскиот скијач Фрањо фон Алмен се запиша во историјата на Зимските олимписки игри откако ја освои титулата во Супер-Г во Бормио и го зголеми својот број на златни медали од Милано-Кортина 2026 на три.
Фон Алмен (24), кој дебитира на Олимписките игри, ги собра титулите во спуст и тимска комбинација, а денес ја додаде и онаа во Супер-Г. Сепак, тој е сè уште далеку од рекордот на Американецот Ерик Хајден, кој освои пет златни медали во брзо лизгање на Игрите во Лејк Плесид во 1980 година.
Патеката во Стелвио, Фон Алмен ја комплетираше за 1 минута и 25,32 секунди.
Тој го остави зад себе Американецот Рајан Кокран-Зигел, кој освои сребро во Супер-Г на Олимписките игри во Пекинг во 2022 година, за 0,13 секунди.
На подиумот се искачи уште еден Швајцарец, Марко Одермат. Победникот на Светскиот куп од минатата сезона заврши 0,31 секунди зад својот сонародник Фон Алмен.
