Капитенот на македонската ракометна репрезентација, Филип Кузмановски ќе настапи за екипата на Кувајт Сити на Азиската Лига на шампиони за клубови, која годинава ќе се одржи во периодот од 6 до 15 јуни.
Според „Arab Times Online“ „Белите“ веќе располагаат со силен странски состав, меѓу кои се Катарецот Франкис Марцо, Црногорецот Владан Липовина и португалскиот репрезентативец Виктор Итуриза. Португалскиот играч Анхел Ернандез, кој моментално е позајмен во саудиската лига, исто така би можел да се врати за да се придружи на тимот доколку е потребно.
Кувајт сити е во групата Б заедно со Ал-Најма (Бахреин), Ал-Калејџ (Саудиска Арабија) и Ал-Араби (Катар) — група која важи за една од најсилните на турнирот.
Кузмановски, сепак, сè уште нема го продолжено договорот со Пелистер, каде што е капитен и еден од клучните играчи во тимот.
