Дрес на Мајкл Џордан што го носел за време на натпревар ќе биде најскапиот во спортската историја. Во 1998 година, Чикаго Булс ги победија Јута Џез со 4-2 во финалето на НБА и станаа шампиони, а MVP на финалната серија беше токму Џордан.
Легендарниот кошаркар одигра неверојатна серија и во натпреварот број три имаше 24 поени кога Чикаго славеше со 96:54 или 42 разлика и тоа е сè уште најубедливата победа во финален натпревар досега.
Сега, 28 години подоцна, дресот на Мајкл Џордан од третиот натпревар се продава и ќе стане најскапиот во историјата бидејќи се предвидува дека ќе биде продаден за неверојатни 100 милиони долари!
Michael Jordan’s 1998 Finals jersey could make history.
The jersey Jordan wore in Game 3 of the 1998 NBA Finals is headed to auction, and owner Rob Gough believes it could reach an unprecedented price.
“I think this will be the first jersey to hit $100 million.”
Jordan wore… pic.twitter.com/mxyN7r7F4w
— OLDSKOOLBBALL (@oldskoolbballx) August 23, 2026
Американските медиуми објавија дека сопственик на овој дрес е инвеститорот и актер Роб Гоф и дека тој рано го започнал својот „лов на богатство“ и успеал да го добие дресот.
Мајкл Џордан и Чикаго Булс потоа ја освоија својата втора „тројка“ или втор пат кога успеаја да освојат три шампионски титули по ред, а во 1998 година, Чикаго беше последниот шампион на НБА.
„Не знаев каде е и не ми беше лесно да го најдам. Ја најдов вистинската личност која ме упати кон друга личност и, за жал, никогаш не го запознав сопственикот на дресот бидејќи сè платив преку посредник, а тој заработи милиони долари од него“, додаде Роб Гоф.
Гоф стана сопственик на овој дрес пред четири години, а сега го продава, а се проценува дека тоа ќе биде првиот дрес носен на натпревар што подоцна ќе биде продаден за толку пари, односно 100 милиони долари.
