🎬 Невиден подвиг и историја на Ролан Гарос: Преку квалификациите до финалето

Маја Хвалинска, тенисерка од Полска и моментално 114-та тенисерка во светот, се пласираше во финалето на Ролан Гарос откако ја победи Диана Шнајдер од Русија со 7:6(4), 6:4 во полуфиналето.

Хвалинска ги победи Алис Раме, Карол Моне, Сузан Ламенс во квалификациите, а потоа и Кинвен Женг, Елиз Мертенс, Марија Сакари, Дајан Пари и Ана Калинскаја пред нејзиниот дуел со Шнајдер.

Така таа стана најниско рангираната тенисерка во финалето и првата тенисерка што стигна до борбата за титулата преку квалификации.

Пред неа, најниско рангираната тенисерка во финалето на Ролан Гарос беше Флорента Михаи, познатата Романка која стигна до финалето во 1977 година како 56-та тенисерка во светот.

Доколку ја победи Мира Андреева во финалето, ќе го надмине резултатот на нејзината сонародничка Ига Швјонтек, која ја освои титулата во 2020 година како 54-та тенисерка на планетата.