Американската тенисерка Коко Гоф не успеа да ја одбрани титулата на Ролан Гарос во Париз, откако вечерва загуби од Анастасија Потапова од Австрија во третото коло по три сета, 6:4, 6:7, 4:6.
Потапова, 30-та тенисерка во светот, ја победи четвртата на ВТА листата по два часа и 37 минути.
Таа започна добро, правејќи брејк во првиот гем од првиот сет и ја задржа таа предност до 4:2, а потоа Гоф играше подобро, добивајќи четири последователни гема и поведувајќи во сетови во натпреварот.
Тенисерките направија четири брејка во вториот сет и се играше тајбрејк, кој Потапова го доби со 7:1.
Гоф поведе со 3-1 во третиот сет, а Потапова успеа да се врати во шестиот гем за да го израмни резултатот на 3-3. Потоа тенисерките добиваа гемови на своите сервиси сè до десеттиот, кога Потапова направи уште еден брејк и по првата меч-топка се пласираше во осминафиналето.
Нејзина противничка ќе биде Русинката Ана Калинскаја, која ја победи Камила Осорио од Колумбија со 6-3, 0-6, 6-2.
