Уште една земја се приклучи во трката за место во календарот на Формула 1 во блиска иднина. Претседателот на ФИА, Мохамед бин Сулајем, ја изрази својата поддршка за враќањето на Гран При на Аргентина.
Земјата последен пат се појави во календарот на Формула 1 во 1998 година и отсутна е речиси три децении, но моментумот за потенцијално враќање продолжува да се зголемува.
Историјата на Аргентина во Формула 1 датира од најраните денови на шампионатот. Првото Гран При на Аргентина, одржано во Буенос Аирес во 1953 година, беше првата трка на светското првенство што се одржа надвор од Европа. Земјата сега има нова врска со спортот преку Франко Колапинто, кој вози за Алпин и неодамна беше потврден за сезоната 2027 заедно заедно со Пјер Гасли.
Нудејќи ја својата поддршка, Бин Сулајем за А24 изјави: „Би ја поддржал иницијативата за одржување трка од Формула 1 или Светското првенство во рели (WRC) тука во Аргентина. Треба да развиеме одржливи патеки за трки каде што постои желба, инвестиција, навивачи и волја од владата да се случи тоа. Дали Аргентина заслужува да биде дел од календарот на Ф1? Одговорот е да. Тие имаат историја, имаат достигнувања; првата трка се одржа тука во 1953 година“, додаде тој.
