Турција беше елиминирана од Светското првенство откако загуби со 1-0 од Парагвај и нема шанси да продолжи понатаму. По болната елиминација, селекторот на Турција, Винченцо Монтела, рече дека неговиот тим немал среќа.
– Многу, многу ми е жал. Многу сме разочарани. Очекувањата на нашата нација беа огромни, а и нашите очекувања беа високи. Исто така, ми е жал за луѓето од Турската фудбалска федерација. Знам колку напорно работеа, како и за самите играчи, изјави тој.
Не можеше да поверува што им се случило на Светското првенство.
– Во фудбалот сум 35 години. Овие работи обично се случуваат еднаш во 50 години, а ни се случи нам во два натпревари. Имавме 65 шутеви во тие два натпревари, а да не зборуваме за поседот на топката. Среќата едноставно не беше на наша страна. Им реков на моите играчи да ги држат главите горе. Не може да се борите против судбината, порача Италијанецот.
Монтела е задоволен од ставот на играчите.
– Секогаш гледам на трудот и решителноста на моите играчи, нивниот дух на теренот. Сите покажаа неверојатна решителност и се бореа до самиот крај во двата натпревари. Мојата поддршка за нив ќе биде безусловна. Никој не се штедеше, сите работеа и се бореа. За жал, не успеавме, заклучи Монтела.
