Женската кошаркарска репрезентација на Македонија влегува во нов циклус со подмладен состав, а следниот предизвик за селекторот Виктор Петровски ќе биде гостувањето кај Романија, во рамките на првата фаза од квалификациите за Европското првенство во 2029 година.
Петровски е свесен дека пред репрезентацијата има многу работа и дека создавањето конкурентен национален тим бара време. Неговиот став е дека мора да бидеме реални во очекувањата, со оглед на промените во составот, но и трпеливи во процесот на градење нова репрезентација.
За дуелот во Букурешт, кој е закажан за 11 ноември во салата „Поливалента Рапид“, познати се и официјалните лица. Судиската тројка ќе ја сочинуваат Полат Парлак од Турција, Пантелис Василиу од Кипар и Александра Јури од Молдавија.
За комесар и технички делегат е назначена Наташа Ковачевиќ од Србија.
Натпреварот од групата Ц ќе започне во 18 часот по македонско време, а за Македонија претставува важен тест на почетокот од новиот квалификациски циклус.
