Виртус Болоња би можел да добие нови сопственици, откако инвеститори од Обединетите Арапски Емирати покажаа сериозен интерес за влез во италијанскиот кошаркарски клуб.
Како што известува новинарот Валтер Фуочи од локалниот весник „Република Болоња“, во моментов се разгледуваат две опции – целосно преземање на Виртус или купување на значаен удел во сопственоста, кој би можел да изнесува околу 50 проценти.
Според истиот извор, првичната проценка на клубот веќе им е презентирана на потенцијалните инвеститори, а втората опција, имено влегувањето на Емиратите во сопственичката структура без целосно преземање, во моментов изгледа поприфатлива за двете страни.
Виртус е во сопственост на Масимо Занети, а евентуалното доаѓање на нови инвеститори би можело значително да ја промени финансиската иднина на клубот.
Особено е интересно што преговорите се поврзани со можноста за обезбедување долгорочно место во Евролигата. Според италијанскиот весник, добивањето статус на постојана франшиза на Евролигата би можело да бара дури 50 милиони евра во текот на пет години, што би претставувало огромен финансиски предизвик за Виртус.
Интересно е што ова не е прв пат Виртус да се поврзе со странски инвеститори.
Претходно имаше интерес од потенцијални инвеститори од Соединетите Американски Држави, но тие разговори, според најновите информации, во моментов се прекинати.
Сепак, договор со инвеститорите од Емиратите сè уште не е постигнат, а преговорите се во почетна фаза.
