Легендарниот напаѓач на Реал Мадрид, Раул Гонзалез, доби нов тренерски предизвик – тој е назначен за тренер на Овиедо, со кого потпиша договор до јуни 2028 година.
Шпанскиот второлигаш одлучи да го смени тренерот по лошите резултати, откако претходно денес го отпушти Хулијан Каљеро. Овиедо моментално е на деветтото место на табелата.
Раул го водеше резервниот тим на Реал Мадрид во својата тренерска кариера од 2019 до 2025 година, а сега за прв пат ќе преземе сениорски тим на друг клуб.
„Мојот начин на разбирање на фудбалот вклучува почитување на талентот што го имаме во тимот, но и барање максимална посветеност. Тимот мора да се бори за победа од првата до последната минута, за да можат навивачите да бидат горди на тоа“, рече Раул.
Како играч, Раул освои шест титули во шпанското првенство и три трофеи во Лигата на шампионите со Реал Мадрид. Откако го напушти Мадрид, играше за Шалке, Ал Сад и Њујорк Космос.
Тој одигра 102 натпревари за шпанската репрезентација и постигна 44 гола.
