Португалија разочара на почетокот на Светското првенство кога ремизираше 1-1 со Конго во нивниот прв натпревар. Кристијано Роналдо беше особено нападнат, бидејќи одигра ужасен натпревар и, според многумина, е главниот виновник за лошите перформанси на Португалија.
Сепак, тренерот Мартинез и неговите соиграчи, исто така, застанаа во одбрана на еден од најпопуларните играчи на денешницата.
Младиот Франциско Консеисао зборуваше за квалитетите на 41-годишниот напаѓач.
„Нема никој како Кристијано. Тој е пример за тоа како треба да се однесува еден фудбалер. Неговата страст на тренинзите е неверојатна. Не мислам дека има некој што постигнува голови со таква леснотија“, рече асот на Јувентус.
Иако е најголемата ѕвезда на тимот, Консеисао вели дека никој не бара да се игра само за Роналдо.
„Не сме обврзани да му ја додаваме топката. Лично, секогаш го барам играчот кој е во најдобра позиција. Дали навистина мислите дека некој може да размисли каде е Кристијано за неколку стотинки од секундата? Ние сме тим, успехот на тимот е на прво место“, рече Консеисао.
Во второто коло од групната фаза, Португалија игра против Узбекистан во вторник, 22 јуни, во 19 часот.
