Менаџерот на Хартс, Дерек Мекинс, изјави дека неговиот тим е „против сите“ откако контроверзниот пенал во 99-тата минута му донесе победа на Селтик и ги остави во борбата за титулата во шкотската Премиер лига пред последното коло.
Во натпревар кој се движеше кон драматичен крај, Мадервел остана без бод длабоко во судиското продолжение по интервенцијата на ВАР и одлуката на судијата Џон Битон, кој покажа на белата точка по дуел во шеснаесетникот.
Судијата на ВАР, Ендру Далас, го повика главниот судија да го погледне видеото, по што беше досуден пенал, кој Келечи Ихеначо го реализираше за резултат 3-2 и голема прослава за гигантите од Глазгов.
CORRUPTION IN SCOTLAND❌🏴
CELTIC HAVE JUST BEEN GIVEN A PENALTY IN THE 93RD MINUTE FOR THIS?!😡🤬
Heartbreaking for Hearts💔 pic.twitter.com/B79pMZtsl2
— The 44 ⚽️ (@The_Forty_Four) May 13, 2026
Мекинс беше бесен на одлуката по натпреварот.
„Штом ќе слушнете дека е пенал за Селтик во 96-тата минута и дека ќе оди на ВАР, веќе знаете што ќе се случи. Тоа е срамота. Ние сме против сите“, рече Мекинес.
Ситуацијата е дополнително влошена од фактот дека бројни аналитичари и поранешни судии се поделени околу одлуката – додека некои тврдат дека станува збор за играње со рака, други веруваат дека нема докази за пенал.
Поранешниот напаѓач на Англија, Гари Линекер, оцени дека тоа била „една од најлошите ВАР одлуки што ги видел“, додека поранешните судии во Шкотска нагласија дека немало „јасен и очигледен“ фаул.
Од друга страна, менаџерот на Селтик, Мартин О’Нил, и некои експерти веруваат дека одлуката била правилна.
Поради оваа ситуација, трката за титулата сега оди во последното коло, каде што Харт оф Мидлотијан ќе мора да избегне пораз на гостински терен од Селтик за да ја освои историската титула.
Последниот пат кога титулата во шкотското првенство ја освои тим надвор од Глазгов беше во 1985 година, кога тоа го направи Абердин, предводен од Алекс Фергусон.
