Вистинска драма се случи синоќа во Мадрид каде што Атлетико Мадрид успеа да го зачува водството од првиот натпревар и да ја елиминира Барселона од четвртфиналето на Лигата на шампионите.
Барселона го отвори натпреварот против Атлетико жестоко и поведе со 2-0 по само 25 минути, со што ја надомести негативата од првиот натпревар.
Фермин Лопез беше блиску до целосен пресврт на натпреварот, имајќи одлична шанса да го зголеми резултатот на 3-0, но не успеа да го реализира ударот од блиску. По неговиот удар со глава, голманот на Атлетико, Хуан Мусо, направи одлична одбрана, а во акцијата што следеше имаше жесток судир, откако Мусо го погоди Лопез со копачка во носот.
Miss by Fermin 😭 pic.twitter.com/ip8hCeTA3q
— Taxx FCB (@taxxfcb_) April 14, 2026
Играчот од средниот ред на Барселона остана да лежи на тревата, обилно крварејќи, а медицинскиот персонал веднаш истрча на теренот за да му помогне. Во тој момент, тренерот Ханси Флик веќе го испрати Маркус Рашфорд на загревање.
Сепак, по кратка пауза, дојде олеснување за гостите, бидејќи Лопез успеа да ја продолжи играта откако крварењето престана.
That was a seriously nasty incident in the first half 🤕
Could've been a whole lot worse for Barcelona's Fermin Lopez. pic.twitter.com/ktfBnwERs9
— Sacha Pisani (@Sachk0) April 14, 2026
Но, шокот за Барселона дојде речиси веднаш. Атлетико го искористи моментумот и го намали резултатот на 2:1, што дополнително ја искомплицира драмата. Во тој момент, на Барселона ѝ беше потребен уште еден гол за барем да избори продолженија.
Тие не успеаја да го сторат тоа, а победата и место во полуфиналето има припаднаа на „јорганџиите“.
