Првиот натпревар од сезоната во Бундеслигата помеѓу Баерн Минхен и Штутгарт е историски од две причини за легендата Мануел Нојер. Со него, познатиот голман започнува рекордна 21-ва последователна сезона во германската елита. Покрај тоа, за светскиот шампион, ова е натпревар број 600 со тимот на Баерн.
Четириесет-годишниот голман има 13 титули во Бундеслигата, 5 германски купови и 2 трофеи во Лигата на шампионите со тимот на Баерн, како и 124 натпревари за германската репрезентација.
Simply the 𝗚𝗢𝗔𝗧.
6️⃣0️⃣0️⃣ competitive appearances for @Manuel_Neuer 🐐 pic.twitter.com/oOpqT6EIIn
— FC Bayern (@FCBayernEN) August 28, 2026
Нојер го зазема петтото место на ранг-листата на сите времиња на натпревари одиграни за Баерн, пред него се само Герд Милер, Оливер Кан (632), Сеп Мајер (709) и неговиот поранешен соиграч Томас Милер (756). Искусниот голман го држи и рекордот во Бундеслигата за најмногу натпревари без примен гол (243).
Договорот на Нојер важи до следното лето и се очекува да биде неговата последна сезона.
