Жозе Мурињо пристигна во Берлин за финалето на Купот на Германија помеѓу Баерн и Штутгарт, а шпанските и германските медиуми веднаш го поврзаа неговото доаѓање со едно име – Михаел Олисе.
Со месеци се пишуваше дека Флорентино Перез е целосно заљубен во францускиот крилен напаѓач, а доаѓањето на новиот тренер на Реал на натпревар во кој игра Баерн многумина го сфатија како јасен сигнал: Кралевите се подготвени да платат богатство за Олисе.
Но, во Минхен дури и не сакаат да слушнат за тоа сценарио.
Хенес без милост
Германскиот инсајдер Флоријан Плетенберг објави дека Мурињо ќе го гледа финалето од ВИП ложата и дека тоа е идеална можност да се види во живо една од најголемите желби на Реал за трансфер.
„Жозе Мурињо ќе присуствува на финалето на Купот на Германија помеѓу Баерн и Штутгарт. Тоа е совршена можност да се гледа во живо потписот од соништата за Реал Мадрид – Михаел Олисе“, објави Плетенберг.
Но, кога новинарите дојдоа кај Ули Хенес со таа информација, легендарниот човек на Баерн имаше краток и брутален одговор.
„Мурињо дојде да го гледа Олисе за Реал Мадрид? Може да има пет пара очи на него, нема да го добие“, рече Хенес.
Олисе игра одлично во Баерн и е еден од играчите околу кои клубот сака да ја гради својата иднина. Токму затоа во Минхен немаат намера да започнат преговори, без оглед на тоа колку сериозно е заинтересиран Реал.
За Мурињо и Перез, ова значи дека ги чека речиси невозможна мисија. Реал може да понуди огромни пари, но Баерн веќе испрати јасна порака: Олисе не е на продажба.
