Атлетико Мадрид официјално го потврди трансферот на Адемола Лукман во својот тим. По долга и напната битка за неговите услуги, тренерот Диего Симеоне доби нова алка во својата напаѓачка линија.
„Атлетико Мадрид и Аталанта постигнаа договор за трансфер на нигерискиот интернационалец Адемола Лукман, кој веќе е во Мадрид“, напиша мадридскиот клуб.
Зимскиот преоден рок беше полн со подеми и падови, а тешкотиите со кои се соочи спортскиот сектор на Атлетико го направија доаѓањето на нигерискиот фудбалер приоритет, особено откако опцијата за Горецка пропадна на 30 јануари, па клубот го префрли фокусот на напаѓачот од Аталанта.
Лукман ја започна својата професионална кариера во Чарлтон, а во текот на годините играше за вкупно шест клуба. Тој беше член и на Евертон, Лајпциг, Фулам, Лестер и Аталанта.
Тој навистина „експлодираше“ како играч во Бергамо. За три и пол сезони во Италија, тој забележа 55 гола и 27 асистенции, статистика што сега сака да ја продолжи во дресот на Атлетико.
Фото: Х/Атлетико Мадрид
