Тони Крос официјално ќе се врати во Реал Мадрид за неколку дена, информира „Ас“. Разговорите за ова се во сè понапредна фаза, но сè уште не е многу јасно каква ќе биде позицијата на поранешниот играч од средниот ред. Тој ќе биде дел од спортската структура и ќе има важна улога во донесувањето одлуки поврзани со планирањето на составот и односите со играчите.
Во последните денови се зборуваше дека враќањето на Крос е директно поврзано со обидите на Флорентино Перез да го убеди Јирген Клоп да ги преземе „белите“ на лето.
Според новинарот Хоакин Марото, ова ќе биде првата голема задача на Крос. Исто така, имаше некои теории дека ако поранешниот менаџер на Ливерпул се врати на тренерската работа, поранешниот германски плејмејкер би можел да се приклучи на неговиот штаб.
Сепак, Хозе Феликс Дијаз од „Ас“ инсистира дека нема ништо заедничко помеѓу назначувањето на Крос и преговорите за нов тренер на Реал Мадрид.
Во своите десет години во Реал, Крос стана вистински пример за углед и на теренот и надвор од него. Ова е главната мотивација Перез да го бара назад на „Сантијаго Бернабеу“.
