Фудбалерите на Барселона си ја завршија работата вчера во 29-то коло од шпанската Ла Лига, откако го победија Рајо Ваљекано на „Камп Ноу“ со минимален резултат од 1:0, и со тоа обезбедија место во Лигата на шампионите за следната сезона.
Единствениот гол на натпреварот го постигна Араухо во 24-тата минута кога со глава погоди од корнер за прослава на Барселона.
Домашните пропуштија голем број добри шанси и дури можеа да бидат казнети на крајот.
Барселона на тој начин ја одржа предноста од четири бода пред Реал Мадрид, но нешто друго им појде од рака попат.
Имено, Барселона веќе обезбеди место меѓу првите четири екипи на табелата, а воедно и место во Лигата на шампионите за следната сезона.
Барселона на тој начин стана првиот тим што обезбеди место меѓу 36-те најдобри клубови во Европа за следната сезона.
