Грчкиот тенисер Стефанос Циципас претрпе еден од најтешките порази во кариерата. На Мастерсот во Мајами, Французинот Артур Филс го декласираше Гркот за само 56 минути со резултат од 6:0; 6:1.
Циципас не можеше да ја скрие својата беспомошност. За време на натпреварот во Флорида, Гркот често се расправаше со судиите.
Фрустриран од својата беспомошност на теренот, Циципас го пронајде виновникот во условите за игра, поточно во осветлувањето. Во напад на лутина, му се обрати на судијата: „Треба да се срамиш од себе. Дали некогаш си ме видел да сервирам и да промашам форхенд пет пати по ред? Тоа не се случува. Не можам да ја видам топката. Не знам како тој ја гледа топката!“
На Артур Филс не му пречеше. Тој доминираше на теренот, го бараше буквално секој поен и изненадувачки лесно стигна до својот петти триумф во дуелите со Циципас.
„Мислам дека ова беше најдобриот натпревар што сум го одиграл во мојот живот. Играв одлични натпревари и претходно, но ова ниво беше лудо. Не знам што да кажам“, изјави Артур Филс по мечот.
