Монако одлучи да го повлече Пол Погба од составот за Лигата на шампионите. Французинот потпиша со клубот пред шест месеци, но одигра само три натпревари и вкупно 30 минути. Последната повреда што ја доби беше во декември на бутот и сè уште не е опоравен, а клубот признава дека немаат поим кога ќе биде подготвен.
„Целиот медицински оддел е фокусиран на наоѓање решение. Прво треба да продолжи со тренинзите, а потоа можеме да размислиме за негово вклучување во натпреварите. Кога повторно ќе почне да тренира? Немаме јасен одговор на тоа прашање“, рече директорот на Монако, Тијаго Скуро.
Погба има договор до јуни 2027 година. Сепак, неговото отстранување од составот за Лигата на шампионите е знак дека неговата иднина во тимот е далеку од сигурна. Пред неколку дена се појави информација дека клубот веќе бара можност предвреме да го раскине договорот на Французинот.
Монако се среќава со ПСЖ во плејофот за 1/8-финалето на Лигата на шампионите.
Фото: Јутјуб/Принтскрин/АС Монако
