Вечерва добивме два патници за Лигата на шампионите откако се одиграа првите два реванш натпревари од плејофот. Екипите на Сабах и Бодо/Глимт ќе играат во елитното натпреварување.
Сабах го елиминираше Хапоел Бер Шева по продолжението со вкупен резултат 6:4. Во првиот натпревар, Хапоел имаше 2:1, додека вечерва Сабах славеше со 3:2 во регуларните 90 минути од натпреварот. Азербејџанскиот клуб потоа постигна уште два гола во продолжението, што беше доволно за пласман во главната фаза.
Златановиќ му донесе водство на Хапоел во 10-тата минута од натпреварот вечерва, но Нвачукву израмни седум минути пред паузата.
Хапоел повторно поведе половина час пред крајот на натпреварот и многумина мислеа дека Сабах ќе има тешкотии да се врати. Сепак, прво Рахмоналиев израмни во 74-тата минута, а во четвртата минута од судиското продолжение Муталимов донесе продолженија.
Во 100-тата минута од судиското продолжение, Диоп доби втор жолт картон, што им ја олесни работата на домашните. Мбина постигна гол за 4:2, а потоа Микелс ги постави конечните 5:2 за голема прослава на азербејџанските шампиони.
Бодо/Глимт вечерва беше убедлив против НЕЦ Нијмеген, победувајќи со 3:0 откако првиот натпревар заврши со триумф од 3:1.
Бјоркан и Аукленд постигнаа голови за Бодо/Глимт, додека Фонвил си постигна автогол за конечни 3:0.
