По одлуката на Мохамед Салах да го напушти Ливерпул на крајот од сезоната, започнаа шпекулациите за тоа каде ќе ја продолжи кариерата.
Спортскиот директор на египетската репрезентација, Ибрахим Хасан, зборуваше за иднината на фудбалерот на Ливерпул, Мохамед Салах, откривајќи дека големи европски клубови се заинтересирани за него. Тој верува дека е подобро искусен фудбалер да остане во Европа отколку да оди во МЛС лигата или Саудиска Арабија.
„Искрено, би сакал да остане во Европа, а не да оди во САД“, изјави Хасан за „ОН Спорт“, а потоа откри кои клубови ја следат ситуацијата околу египетскиот фудбалер.
„Слушнав дека има понуди од ПСЖ и Баерн. Со него контактирале и клубови од Италија. Доколку се пресели во МЛС, ќе биде надвор од центарот на вниманието, слично како што се случи со Лионел Меси, тој повеќе не е во фокусот“, заклучи спортскиот директор на египетската репрезентација.
