Селекторот на Шпанија, Луис де ла Фуенте, денес го објави составот за Светското првенство во кој нема играчи на Реал Мадрид. Селекторот ги вклучи повредените напаѓачи Ламин Jамал и Нико Вилијамс во составот, бидејќи очекува тие да се опорават до почетокот на Светското првенство, кое се одржува од 11 јуни до 19 јули во САД, Канада и Мексико.
За прв пат, нема играчи на Реал во составот за Светското првенство. Дефанзивецот Дин Хојзен беше во игра, но беше изоставен.
Микел Мерино, кој играше само еднаш за Арсенал откако го повреди стапалото во јануари, е повикан, како и Фабијан Руиз од Пари Сен Жермен, кој исто така се мачи со повреда.
Актуелните европски шампиони ќе играат во Групата Х, која започнува на 15 јуни против Капо Верде. Во второто коло, Шпанија ќе игра против Саудиска Арабија на 21 јуни и против Уругвај пет дена подоцна.
Шпанија ќе ги започне подготовките во сабота, а на 4 јуни ќе игра пријателски со Ирак и на 9 јуни со Перу.
Откако ја освои титулата во 2010 година, Шпанија не напредуваше подалеку од осминафиналето на Светското првенство.
Во составот се:
Голмани: Унаи Симон, Давид Раџа и Жоан Гарсија.
Дефанзивци: Марк Кукуреља, Алехандро Грималдо, Маркос Љоренте, Пау Кубарси, Ајмерик Лапорте, Педро Поро, Ерик Гарсија и Марк Пубил.
Среден ред: Родри, Мартин Субименди, Педри, Дани Олмо, Микел Мерино, Фабијан Руиз и Гави.
Напаѓачи: Ламин Јамал, Феран Торес, Џереми Пино, Микел Ојарзабал, Виктор Муњоз, Алекс Баена, Борха Иглесијас и Нико Вилијамс.
