Џуд Белингам е еден од најкоментираните играчи за време на ремито 0-0 на Англија со Гана на Светското првенство, кое се одигра во вторник вечерта. Тој дури беше прогласен за Играч на натпреварот на крајот, што не му се допадна.
Англискиот репрезентативец ја опиша наградата како незаслужена, но сепак изрази благодарност.
„Да бидам искрен, не ја заслужив“, рече Белингам. „Веројатно требаше да му припадне на еден од нивните момци (Ганците – н.з.) кои бранеа многу добро. Благодарен сум на оние што гласаа за неа, но веројатно требаше да му припадне на еден од нивните играчи кои бранеа толку добро.“
Тој исто така сакаше да испрати смирувачка порака до навивачите на Англија.
„Првенството штотуку започна и има долг пат до него. Како и секогаш, тоа е „треска од вториот натпревар“, нели? Со Англија секогаш е така – го добиваме првиот, играме добро, а потоа ремизираме вториот. Но, сè е во ред. Би им рекол на навивачите да бидат смирени, веќе размислуваме за следниот натпревар.“
Jude Bellingham says he didn't deserve to be named Player of the Match in England's 0-0 draw with Ghana. pic.twitter.com/ld5Fxn5rVe
— With All Due Respect (@cdzas) June 24, 2026
