Македонскиот репрезентативец, Дамјан Робев, потпиша нов договор со КК Работнички и ќе ги брани боите на тимот од „Градски парк“ и во наредната сезона.
Искусниот бек и еден од носителите на играта продолжува да го дава максимумот за клубот од „Градски парк“, велат од Работнички.
Работнички пред два дена го најави и едно од најголемите засилувања за сезоната 2026/27 – Дарин Говенс.
Говенс зад себе има богата интернационална кариера, настапувајќи во првенствата на Исланд, Израел, Грција, Унгарија, Белорусија, Русија, Франција и Македонија, а во Работнички пристигнува од редовите на ТФТ Скопје.
