НБА драфтот за 2026 година се одржа во текот на ноќта, а Вашингтон Визардс имаа можност да го изберат првиот избор.
И како што се очекуваше, Еј Џеј ДиБанца од Универзитетот Бригам Јанг заврши во нивни раце. Дарин Петерсон од Канзас заврши во Јута, додека Мемфис Гризлис го зграпчија Камерон Бузер. Четвртата опција што им припадна на Чикаго Булс беше Кејлеб Вилсон.
Сакраменто Кингс добија бек во ликот на ѕвездата на Арканзас, Дариус Акуф. Се верува дека тимот од Калифорнија е еден од губитниците на вечерта, со оглед на тоа што Акуф нема дефанзивни квалитети, додека неговиот напад заслужува големо внимание. Доколку беше подобро избалансиран, ќе беше меѓу трите избори.
Освен Визардс, некој што исто така може да се смета за „победник“ на драфтот се Вориорс, кои го додадоа Јаксел Лендборг од шампионските редови на Мичиген Вулверинс. Тој е човек кој може практично да ги покрие сите пет позиции, има висока работна етика и е добар шутер.
Четири европски играчи беа избрани во првото коло. Оклахома Сити Тандер го добија Едеја Мара од Шпанија со 12-тиот избор. Шарлот Хорнетс го зедоа Ханс Штајбах од Германија, а нему му се придружи и сонародникот Кристијан Андерсон кој беше 18-тиот избор.
Уште еден Шпанец беше избран во првото коло, Серхио де Лареха, кој беше избран од Никс со 25-тиот избор.
